江口洋介、福山雅治同酒井法子主演嘅《同一屋簷下》，今年喺该剧播出25周年纪念，萧定一旗下hmv数码中国买咗香港版权，拍摄港版《同》剧。大家嘅焦点自然集中係柏木六兄弟姊妹身上，日版大哥「达也」由江口洋介饰演、跟住顺序係二佬「雅也」福山雅治、三妹「小雪」酒井法子、四佬「和也」石田壹成、五妹「小梅」大路惠美，细细佬「文也」由山本耕史饰演。至於香港版，阿一属意由旗下艺人演出，据知张智霖饰演「达也」、周柏豪演「雅也」、连诗雅演「小雪」、张建声係「和也」、「小梅」係沉月萍、「文也」就会係蔡翰亿（BabyJohn），而胡杏儿有机会演张智霖嘅未婚妻，周秀娜饰演内田有纪角色，演一名有心臟病嘅演员，同柏豪有唔少戏份。 港版故仔会同原著一样，围绕几兄弟姊妹情，主要情节好似大佬、二佬同养女小雪嘅三角恋都会出现。不过由於係港版，同埋25年后再开拍嘅关係，社会亦出现好多变化，日常生活多咗手机同apps所以角色、环境都会调整。 套剧预计秋天开拍，初步拍摄22集，由之前《选战》导演黄国辉负责，暂定下年播出。阿一方面就回应话：「《同一屋簷下》係一套好经典嘅日剧，亦係好多香港人嘅集体回忆，我哋係买咗版权会拍港版，故事情节会尽量保留，但角色同环境係加入o依家时代嘅气息，而喺25周年、四份一世纪后再拍番亦好意义。」
